Shillong, Jymmang 11: Ka Jylla mynta kala kiew sha ka 10 ngut ha ka jingdon jong ki briew ba dang pang Covid-19 ne ki active case.
Kane ka jingpang kala don mynta satang ha ki saw tylli ki District ka Jylla kiba kynthup ïa ka East Khasi Hills kaba don satang iwei i Nongpang, ka Ri-Bhoi kaba don 8 ngut bad ka West Garo Hills-1bad East Jaiñtia Hills-1.
Ha kine ki arphew saw kynta bala leit noh, tang iwei ila ïabit ïa ka jingpang.Ka jingdon jong kiba ïap haduh mynta kala kot 1593 ngut.
Haduh 93812 ngut ki briew kila ïabit ïa kane ka jingpang ha kine ki laisnem mynta hynrei haduh 92207 ngut kila ïoh pat ïa ka jingkoit.
