Byrngem ka KSU Khliehriat ban khyrwit beit ia ki briew ba long Dalal ia ki mynder

Khliehriat jylliew 7: Ki dkhot jong ka Khaai Students Union Khliehriat Town Unit mynt ka janmiet jong ka 7 tarik Jylliew 2022 ki la ioh bat ïa kawei ka kali Alto 800 ba don ia u number AS -11 -5670 ïa kaba la suba ba ki dei ki Khar Bangla kiba wan poi lyngba ka shnong Kuliang.
La ong ruh ba kine ki Khar bangla ki don kumba 10 ngut eiei kiba la wan poi da katei ka kali Alto 800.
“Haba kylli tohkit ïa ki kim shym la lah ban jubab wat tang shikyntien ruh bad kim lah satia ban pyni ki kot ki sla kiba tikna ban pynshisha ba ki dei nong India” ong u kyrwoh na ka seng.
“Kaba la pyn bitar ïa ka Seng ka long ba kine ki khar Poi ei ki la thmu ban pynbam pisa ïa ki dkhot jong ka seng khnang ba kin lait hynrei kane ka jingleh jong ki ka dang pynkhluid pynban ïa ngi ki dkhot “La ong shuh shuh ruh ba ïa kane ka Kali la ñiah da u wei u khasi ha kaba katkum ka jingtip u dei uba ju leh kine ki kam ban leit buh leit Shaw ïa ki bar jylla da kaba kular ba kin lait beit bad ruh uba long kum u dalal.
Hadien kane ki dkhot ka seng ki la pyntip noh sha ka Khliehriat Police Station bad la rah ïa ki shapoh Police Station ban leh ïa kaba donkam.
“Ka KSU kan iai phira bad ap sharai bad long peitngor ïa ki Mynder kiba thmu ban wan rung tuh sha ka Bri Hynniewtrep bad ka la maham ruh ban khyrwit beit khlem jingmap ïa kito ki briew kiba ju mlien ban long Dalal ïa ki Mynder” pynkut u kyrwoh na ka KSU Khliehriat Unit