Shillong, Jymmang 29 : U Myntri ka sorkar jylla ba dei ruh u Chairman jong ka Regional Committee West Khasi Hills Bah Paul Lyngdoh u la ong ba dei ka jingbym pat lait na ka liang ka Assam ba ka leit jurip lang ïa ka Langpih ka dang sahteng mynta.
Related Posts
Haba kren bad ki lad pathai khubor, u Bah Paul u la ong ruh ba ka daw hi kadei namar ba ka elekshon MLA ka la jan ha katei ka jylla ba marjan. U Myntri u ong ruh ba ïa ka kaiphod kaba la pynkhreh da ka Committee jong u ka la dep ban phah noh sha ka sorkar jyllla. Hynrei kaba sah mynta ka long sa tang ban leit jurip lang da ka sorkar Assam bad Meghalaya sha Langpih, ka kam kaba dang sahteng haduh mynta.
“Ka jubab kaba mih na ka liang ka Assam ka lah ban dei namar ba ki dang don ïa ka elekshon Panchayat bad ruh namar ba la jan ka elekshon MLA. Namarba ka elekshon MLA kane la ha jingkhang lehse kim pat kwah ban shim kano kano ka rai kaba kaba kham jwat ïoh ka ktah kylla ïa ki paidbah nongthep vote,” bynrap shuh shuh u Myntri uba dei ruh ha kajuh ka por u nongai ktien ka sorkar jylla.