Jowai, Jylliew 21: Ka Jaiñtia Student Union (JSU) Jowai Circle ryngkat bad ka Jaiñtia Youth Federation (JYF) Jowai Circle mynta ka sngi ki la leit ban khang naphang ïaki Bank bad ki ophis company kiba plie haka sngi kynmaw burom ïa u Thomas Jones u kpa jong ki dak ktien Khasi.
Ha kane ka sngi ki ar seng ki lah maham tyngeh ïaki heh jong ki bank ba ki dei ban burom ïaka sngi kyrpang jong ka jaitbynriew hynñiewtrep khamtam ha kum kane ka sngi kynmaw burom ïa u kpa jong ki dak ktien Khasi.
Shuh shuh ki arseng ki la phah khang ïaki Bank kiba don hapoh ka sor Jowai kiba lah plie ha kane ka sngi naduh ka State Bank of India, Jowai Branch, Ladthadlaboh Branch, Indian Overseas Bank- Jowai Branch, Apex Bank, ICICI Bank, HDFC Bank, Axis Bank, Meghalaya Rural Bank, Bank of India, North East Small Finance Bank, UCO Bank, Jowai Co-operative Urban Bank, IDBI Bank, Union Bank, Canara Bank, kamjuh ruh la khang leh ïa ki Financial Services kam ka Mahindra & Mahindra Finance, Cholamandalam Finance, IndusInd Bank.
Ka seng ka buh ka jingkyntu ïa kino kino ki Office treikam ka Sorkar wat haduh Bank, ki Finance kidei ban burom ïakane ka sngi kyrpang jong ka jaitbynriew.
