‘Bun kiba pyrkhat ba election mynta ka dei ka dei ka election pisa, ong u dkhot ka PDF

Khliehriat Iaiong 25: U President ka Peoples Democratic Front (PDF) uba dei ruh u Myntri ka kam sport, u bah Banteidor Lyngdoh, mynta ka sngi u la wan ban pynskhem ïa ki nongkitkam bad ki dkhot jong ka People Democratic Front East Jaiñtia Hills District, ha ka jingïalang ba la pynlong ha Khliehriat West Community Hall.
Haba kren u la ong ba, ka shap (symbol) jong ak PDF ka dei u Mommati bad u momati un nang tyngshaiñ suki pa suki ha East Jaiñtia Hills District, hooid ym pat tip uei u kyrtong nangne, tangba ha ka election MDC kaba la dep la pynïeng kyrtong tangba u rem tang kumba 200 vote, ha kane ka election ka ban sawan ynsa ïa peit bad yn sa ïa pyrkhat lang”
U bah Banteidor, u la ong ruh ba kam pher laka long kumno kumno ruh, namar kaba kongsan eh ka dei ban sngewthuh shwa ïa ka nongrim jong ka party bad ban long kiba skhem jingmut na lade bad nangta yn sa sdang ban trei ïa ki kam bad yn sa nang pynkhlaiñ shuh shuh ïa ka party hapoh ka district “Nga sngewtynnad ban ïohi ba ha ka por ba thaw ïa ka Youth Front jong ka party, ki samla ki la wan sha khmat bad ong ruh ba ka nongrim jong ka party kaba dei ka seng riewlum ka ïeng ban ïada ïa ki riti ki dustur, kaba ïadei bad ka ri ka jaidbynriew, kaba ïeng ban ïakhun na ka bynta ka hok jong ka ri ka jaidbynriew, ban ïasaid ïa ka jinglongtrai jong ngi ia ka khyndew ka shyiap, ban ïasaid ïa kino kno ki mat kiba ktah ïa ka ri, ïa kine ki dkhot jong ka party kin sa kren ynda la dei ka por, namar mynta ka jingwan sha East Jaiñtia Hills District ka long ban pyn skhem ïa ki nongkitkam bad ki dkhot”.
Kum u myntri uba dei peit ïa ki kam sport, u la ai ka jingïaroh ïa ki samla na ri lum Jaiñtia bad ong ba ka Jaiñtia Hills ka dei kawei na ki thaiñ kaba pynmih bun ki nongïalehkai sport, don ruh kiba la leit ban mihkhmat na ka jylla bad long ruh ki nongïalehkai kiba tbit bha. U la ong ruh ba ka sport policy ka dei ka bynta ka ban pynlah ïa ki samla ba kin ïeng ha la ki jong ki kjat, ka long ka lad ban ïohkam ïohjam, bad ka don ka kamai kaba heh bha ha ka kam ïalehkai sport.
‘Lada ïa ka politik la synshar da ka lynti ka bym dei bad ka politik ka dei kaba donkam bad khlem ka politik ruh ym long, tangba ka politk ka dei ha u briew ne ka briew, lada ki leh kamkai, ki ïalam ïa ki paidbah sha kaba bakla bad sha ka lynti bym dei bad kan long ka jingtim” u la bynrap.
U la ai ruh ka jingsneng jingkyntu ïa ki nongkitkam bad ki dkhot ka PDF East Jaiñtia Hills District bad ong ba ki dei ban ïatreilang ryngkat ryngkat bad long kiba skhem ha ka nongrim bad shi sien ka sngi kan sa wan ka jingjop.
U dkhot jong ka PDF-CEC, u bah J.B.Basaiawmoit, u la ong ba ki bun ki nongmihkhmat kiba don ka sap ban trei, kiba don ka jingkit khia na ka bynta u paidbah hynrei kim nud pat ban mih shakhmat namar ki pyrkhat ba ka election mynta ka dei ka election pisa kam dei shuh ka election ban ïakren ïa ki kam, kam dei shuh ka election ka ban ïasaid na ka bynta ki paidbah.
U general secretary PDF-youth wing cantral body, u bah Eliser chyne u la kyntu ïa ki nongïalam bad ki dkhot ba kin shim ïa ka jingkit khlieh kum ki nongïalam ha Jaiñtia Hills ban saiñdur ïa ka kam hima sima ha kane ka district, kum u nongïalam hap ban peit shwa ïa ka jingbit jingbiang ha ka imlang ka sahlang, lada pyrkhat tang shimet kata ka mut ba lah rem lypa, kane ka dei ka lynti ban shakri ia ki paidbah, u la ai khublei ïa u bah Banteidor Lyngdoh uba long u nongïalam u bym ju peit tang ïa kata ka jingbit jingbiang ba shimet, um peit tang ïa ka constituency hynrei u peit ïa ka bha ka miat jong baroh ha ka jylla.
Ki nongkitkam jong ka PDF East Jaiñtia Hills district kiba la jied bad pynskhem ki kynthup, u President, u bah Perister Rymbai, Vice president, u shanbor Rymbai, Working President, Serenmyson Paslein, General Secretary, u bah Albinus Lamurong, Assistant secretay, u Emiral Tangliang, Organising Secretary, u bah Shirupki Tangliang, Publicity secretary, u bah Chorly Pakem, Finance secretary, u bah Banroi Lamare, Adviser u bah Shiborlang Lamar