Shillong, Nailar 21 : U Symbud Myntri Rangbah ka Jylla Bah Sniawbhalang Dhar ha ka sngi Balang u la ong ba kiba bun ki projek Smart City ki la dep lut bad don pat kiba la jan dep.
Katkum ka jingïathuh jong u Symbud Myntri Rangbah, ki la don haduh kumba 15-17 tylli ki projek smart city kiba dang pyntrei ha kaba ki don la ka jong ka jong ka por ba la buh ban pyndep.
La ïathuh ruh ba ha kaba sdang ki don ki jingeh hynrei kine ki projek mynta ki la ïaid shaid shaid.
U Symbud Myntri Rangbah u la pynpaw ruh ïa ka jingkyrmen ba ïa kine ki projek yn pyndep noh hapoh shienm kaba long katkum ka thong jong ka sorkar ban pyndep ïa ka Smart City Mission hapoh shiteng snem jong u 2026.
La pyntip ruh ba ka projek hajan ka Additional Secretariat ruh ka la jan dep.
“Ka sorkar mynta ka dang ïa kren mano ban pynïaid ïa ki jaka pynieng kali da ka jingthmu ruh ban ïatrei lang bad ki Rangbah Shnong ha ki jaka bym hap Municipal bad ki nongtrei Municipal pat ha ki jaka ba hap ha jingpeit ka Municipal,” u la ong.
Haba jubab halor ka jingkylli, u Symbud Myntri Rangbah u la ong ruh ba ïa ka street parking policy ki khmih lynti ba yn pyntreikam noh ha shwa ban kut mynta u snem.
