Shillong, Iaiong 9 : Ka jingshna ïa ka dam na ka bynta ka New Shillong Water Supply Scheme kan sa dep hapoh u snem ban wan (2027).
Haba pyntip ïa kane ha ka sngi palei, u Myntri ka Tnad Public Health Engineering (PHE) Marcuise N Marak ula ong “Nga la leit ban peit da la ki khmat ïa ka dam, ka jingpyntrei ka la ïaid baroh 24 kynta shisngi bad ngi kyrmen ban pyndep noh ïa ka dam hapoh u snem ban wan”.U bynrap ba kiwei ki bynta jong ka project ruh ki la ïaid shaid shaid bha.
U Myntri ula pynpaw ba ka kam thied jaka ka dei kaba pynslem ïa ka project hynrei baroh kine kiei kiei, lah dep ban pynbeit mynta, kaba ailad ïa ka jingpyntrei ïa ki kam ba kin ïaid shaid shaid.
Halor ka Tura Water Supply Scheme, u Marcuise ula ïathuh ba ka jingpyrshah ban shna ïa ka dam baroh shikatta ka dei ka kam kaba lah dep ban ïapynbeit mynta, bad shen ka jingpyntrei ïa ka dam kan sa ïaid noh.
