Shillong, Jylliew, 17 : Ki dkhot ka Excutive Committee jong ka Synjuk ki Rangbah Kur ha ka sngi Thohdieng la leit ban pan jingshai na u Chief Executive Member (CEM) jong ka Khasi Hills Autonomous District Council (KHADC) u Bah Titosstarwell Chyne halor ka jingïaid lynti jong ka Clan Bill.
U General Secretary jong ka Synjuk u Bah Aristotle Lyngdoh Mawplang u la ïathuh ba u Chief Executive Member u la pynshai ba ka Bill ka dang don hapoh ka tnat District Council Affairs (DCA) bad ba ka Sorkar ka la thaw da ka Expert Committee namar ban pynsuk ïa ki bor ban mynjur ïa ka Clan Bill.
Kane ka Expert Committee kan peit bniah bad hadien kata yn sa phah sha u Lat ka Jylla ban ai jingmynjur ïa ka Bill.
Na ka liang jong ka District Council ruh ka don ka jingangnud ba hapoh jong une u snem ka Clan Bill ka dei long aiñ.
U Bah Erwin K. Sutnga haba halor ïa kane u la ong ba ka Synjuk ka ai ka jingkyrshan ïa ka District Council haba ïadei ka Clan Bill bad ka jingai kur jait kpa.
Kumba ka ophis jong u CEM ruh ka la pynmih ïa ka rai ba ymlong ban ai jait sha u kpa ne ka ai jait meikha namarba ka kheiñkur kheiñ kha jong u Khasi ka dei kaba don ka nongrim bad nalor kine kiei kiei ruh ka jingkyrmen hi ka long ba ka Sorkar ruh kan shimkhia halor kane ka Clan Bill.
