Jowai, Ïaïong 11: Ka ophis u Deputy Commissioner (Supply), West Jaiñtia Hills District, Jowai ka la pynbna paidbah katkum ka National Food Security Act (NFSA) 2013, baroh ki nongtrei kam sorkar kiba dang bat ïa ki Ration Card haduh mynta ban ïoh jingmyntoi na ka sorkar kin hap ban pynphai noh ïa ki Ration Card.
Ka sorkar kmie ka la bthah ïa baroh ki nongtreikam sorkar hapoh ka District kiba dang bat ïa ki NFSA Ration Card (PHH lane AAY) kin hap leit pynphai noh ïa ki khnang ba kiba dei hok kin long ki nongïoh myntoi.
Ïa ki Ration Card dei ban leit aiti ha ka ophis u Deputy Commissioner (Supply), West Jaiñtia Hills District, Jowai, hashwa ka 15 tarik, Ïaïong, 2025 ha ka Kamra 109 ha ki por long trei.
Kino kino ki bym ïaid katkum ka jingbthah kin shah pynshitom katkum ki kyndon aiñ.
