Shillong, Naitung 9 : U Nongïalam ka NPP bad Symbud Myntri Rangbah Ma Sniawbhalang Dhar ula pyntip ba u Myntri Rangbah ka Jylla u Conrad K Sangma, ula bthah ïa baroh ki MLA ka NPP ba kin bud dien bad lum jingkhein ïa ki kam pynroi ha la ki jong ki jong ki constituency.
Ula jubab ïa kane halor ka jingkylli ba ïadei bad ka jingïalang ba long hapdeng ki 22 ngut ki MLA ka Ri-lum Garo bad u Myntri Rangbah kaba long ha ka sngi Balang.
Watla u khlem leit ïashimbynta ha ka jingïalang, u Bah Sniawbha u ïathuh ba ki MLA kila ïakren halor ki kam pynroi ba ki la pyntrei hala ki jong ki jong ki constituency.
U Ma Sniawbha ula ïathuh ba u Myntri Rangbah ula bthah ïa ki MLA ba kin ïai bud dien bad lum jingkheiñ ïa ki kam pyntoi bala pyntrei ha ki constituency jong ki ha kine ki arsnem shiteng.
U pyntip ba kum kane ka jingïalang bad ki MLA ka ri-lum Jaintia ruh kan sa long bad ka dei ka ban dang pynbeit ïa ka tarik.
Haba kylli halor ka jingbujli kam hapoh ka kynhun Myntri, u Ma Sniawbha ula pynpaw ba kane ka shong ha u Myntri Rangbah ka Jylla ba un shim ïa ka rai.
