Shillong, Naiwieng 23: U Additional Deputy Commissioner i/c SDO ka Sohra Civil Sub-Division MA Shallam ula pynmih ïa ka hukum ba bthah ba baroh ki trai par mawshun ha Sohbar, Mawlong bad Wahlong ba kin aiti ïa ki kot ki sla sha ka Ophis u SDO (Civil) Sohra hapoh ka 5 tarik Nohprah.
Kane ka jingbthah ka treikam ruh kumjuh ïa ki nongshimwai ïa ki par kiba heh bad ki briew ba la ïoh jingbit ban tih mawshun, kiba treikam ha ka thaiñ.
Ha ka kyrwoh la ong ba ka jingïaleh pyrshah ïa kane ka hukum ka lah ban lam sha ka jingpynshitom katkum ki kyndon aiñ kiba la buh.
