Shillong, Nohprah 02: Ka Meghalaya High Court ka la bthah ïa ka rai kaba kongsan halor ka jingtyrwa ban pynkynriah ïa ki 342 tylli ki longïing jong ka Harijan Colony kaba don ha Them ïew Mawlong.
Ka division bench kaba kynthup ïa u Chief Justice Soumen Sen bad u Justice W Diengdoh ha ka hukum ba la mynjur ha ka sngi baar ka la pynjlan ban bishar ïa kane ka mukotduma kaba kynthup ïa ka jylla Meghalaya bad ka Harijan Panchayat Committee (HPC) haduh ka jingbishar ha u bnai Rymphang 2026.
“Ngi khmih lynti ïa ka rai kaba ïaid beit halor kane ka jingïakajia,” ong ka hukum.
Ïa ka bench la ïathuh da u Advocate General ba ka jingïakren pynbeit kaba dang ïaid ban pyndep noh ïa kane ka jingïakjia ha pdeng kine ki arkynhun bad ka mamla, bad u counsel ua la pynskhem ba ki jingïakren ka dang mynta.
“Ha ka jingjia jong ka jingpynbeit kam lah ban poi sha ka lynti kaba dei, ïa ka jingkyrpad ban sngap halor ki merit,” ka la bynrap.
