Shillong, Jymmang :Ka Deputy Commissioner (Excise) ka EKHD, Shillong da kane ka pyntip ba kane ka tnat ka dang ïai bteng ban pynlong ka jingkhynra halor ka jingdie kyiad beaiñ da ka ba pynlong ruh ïa ki jingkhynra hapoh ki restaurant bad kiwei pat ki dukan ha ki jaka sor bad khapsor kumjuh.Ha ka jingkhynra ha u bnai ïaïong ba la dep, kane ka tnat ka la lapdien ïa ki 12 tylli ki jingjia bad ïoh kurup ruh 61.400 litar ka kyiad pyrsi bad 1.700 ka kyiad phareng.Halor kane la kem ruh ïa 10 ngut ki briew hapoh ki kyndon aiñ jong ka tnat Excise.
