Shillong, Risaw 08: Ka Meghalaya’s State Disaster Response Force (SDRF) ha ka sngi ba-ar ka la bteng ban leit ai ki lad jingïarap sha ki jaka kiba la shah ktah ha ka jingshlei um bad twa khyndew hapoh ka Dalu C&RD Block kaba ha West Garo Hills.
Ka kynhun ki nongtrei jong ka SDRF ki la don bynta lang ruh ban ïarap weng noh ïa ki dieng kiba la khyllem halor jong ki sainar bording ha Koinabhoi, Dalu ban ïarap sam ïa ki lad jingïarap sha kane ka thaiñ.
Ha kajuh ka por sa kawei pat ka kyhun jong ka SDRF ki la ïarap ruh ban sam ïa ki tiar ai jingïarap ha shnong ijikapara kaba ha Dalu C&RD Block.
Lah ban kdew ba ka kynhun SDRF ki la don hapoh ka thaiñ Dalu kaba dei kawei na ki thaiï ba la jur bha kane ka jingjia shlei um bad twa khyndew na ka daw jong ka jingjur palat u slap, ong ka kyrwoh ba la phah da u Additional Public Relations Officer ka Directorate of Civil Defence & Home Guards Meghalaya Shillong, u Bah P H Shylla.
