Bteng ka MLP ïa ka jingjop kaba ar sien lynter ha ka SSA First Division 2025

Shillong, Risaw 06: Ka Meghalaya Police ka la khur ïa ka jingjop da 2-1 kol ha ka jingïakhun pyrshah ïa ka Mawkhar SC hynne ka sngi Nyngkong ha ka lympung ïalehkai jong ka First Division Football League-2025, kaba la pynïaid da ka Shillong Sports Association ha madan First Ground-SSA Stadium, Polo.

Hadien ka jingïakhun kaba khlem kol ha ka kylla step, ka MLP ka la ïoh ba kan pynkhihjar lyngba u Rapborlang Marwein (56′) bad u Pynshailang Lyngkhoi (67′). Ka Mawkhar ka la ïoh ba kan pynphai shi kol lyngba u Kyrshanlang Tariang (76′).

Kane kadei ka jingjop kaba ar sien lynter na ka bynta ka kynhun MLP mynta ka samoi.

Ka jingïalehkai ha kane ka sngi Ba-ar kan long hapdeng ka Mawtawar SC pyrshah ïa ka Nongrah, ha ka por 1:30 baje nohphai sngi.