Nongpoh, Nailur 19: Ka Dorbar Shnong jong ka shnong Lum Umpih ha Ri-Bhoi kala pynpaw ka jingsngewkhia halor ka jing khlemakor jong ki briew naka por shaka kiba ju bret jaboh bad ki jakhlia harud surok bah National Highway ba hap hapoh u pud u sam jong ka shnong Lum Umpih ha Ri-Bhoi.
Kum ban shu pynpaw ba katei ka jingbret jaboh ha katei ka thaiñ kam dei shuh ka sien ba nyngkong hynrei ki riew khlemakor ki ju bret naka por shaka por bad pynlong kum ka jaka bret ñiut.
Naka liang ka Dorbar Shnong Lum Umpih kala maham tyngeh ïaki briew ba ju mlien ban bret jaboh pathar haki rud surok khamtam ha u pud u sam jong katei ka shnong bad lada lap naka liang ka shnong kan sa shim da ki sienjam ba tyngeh.
