Nongstoiñ, Jylliew, 30: Ka Seng Hynñiewtrep Youths Council Umyiap Area Unit, ka la leit ban ïakynduh ïa u Assistant Executive Engineer Nongstoiñ Distribution Sub Division MEPDCL, Nongstoiñ, halor ki jingbym pynpoi ïa ki bill light ha ki nongshong shnong jong ka thaiñ Umyiap.
Ka seng ka kyntu ban pynjanai ban pynpoi biang por ïa ki bill light jong ki paitbah, khnang ba kin ym don ka jingsngewkhia ban wan siew bill light lada ki ïoh biang por ïa ki bill light jong ki, namar kumba ka long mynta ka rukom pynpoi ïa ki bill light ha ki thliew ïing jong ki nongshong shnong jong katei ka thaiñ kam long kaba ryntih.
Ki meter reader ruh bun ki khlem wan ban peit ïa ki meter bad ban ai bill light haman la ki thliew ïing, hynrei ki lah shu shna bill da kaba shu antad bad ïa ki bill light jong ki nongshong shnong, la shuh phah rah pateng ha ki riew paitbah. Da kaba ki leh kumne ki nongshong shnong, bun kim ju ïoh biang por ïa ka bill light jong ki, kumta ka pynjar bad ka ktah ïa ki nongshnong shnong khamtam.
Ka seng ka kyrpad ïa ka rukom peit ïa ki meters ruh dei ban wan peit tista, namar la shem ba ka jingbym peit meter ka ïa pher bun bad ka bill ba shu shna antad na Offie Don ruh ki meter ba la duh, ka bill pat ka heh katba ka rukom thang light kam ïa hap bad ka jing heh jong ka bill. Kane ka pynjynjar ïa ki nongshnong shnong khamtam ki bym nang ban peit ïa ka meter.
Ka seng ka lap ruh ba don ki longïing kiba pyndonkam light ha ba ka bill kaba shait poi tang shispah tam lane srspah duna. Hynrei la shem da kaba la duh ka meter ka poi shi hajar lane tam, kane hi ka dei lynba ka jingbym wan peit tista ki Meter Reader.
