Shillong, Nailur 15: U Myntri Rangbah ka jylla u Conrad Sangma uba dei ruh u National President ka NPP u la kyntait ïa ka jingkam u Bah Disparsing Rani ba ka NPP ka pynieng ïa ka ophis jong ka khem pat ïoh jingbit na ki tnad ba dei khmih.
Haba kren sha ki lad pathai khubnor u Myntri Rangbah u la ong ba na ka liang ka NPP ka la pynbiang ïa baroh ki kot ki sla bad ki kot ki sla kiba dei ban ïoh ruh ki la biang lut naduh shuwa ban pynieng ïa ka ophis.
“Ngam tip halor kano ka nongrim ka mih kata ka jinghong ruh namar na ka liang u President ka NPP Meghalya ngi ju kylli ruh kaei kaba donkam bad ki kot ki sla aiu ba dang duna hynrei na ka liang ka ophis ba dei peit naduhka MUDA bad kiwei ki ong ba ki kot ki sla ki la biang lut” u la ïathuh.
