BCCI Senior Women’s Inter Zonal T20 Trophy 2025-26: Shah jied 3 ngut ki nongïalehkai Meghalaya ha ka kynhun North East

Shillong, Risaw 22: Ka komiti jied (Selection Committee) jong ka Senior Women Zonal na ka bynta ka North East Zone ka la jied ïa 15-ngut ki nongïalehkai ki ban mihkhmat ïa ka thaiñ ha ka lympung ïalehkai jong ka BCCI’s Senior Women’s Inter Zonal T20 Trophy 2025-26.
Ha kane ka kynhun ki don lai ngut ki thei ïalehkai ka jylla Meghalaya – ka Riticia Nongbet, ka Debasmita Dutta bad ka Solina Jaba – kiba la shah jied ha ka kynhun, ha kaba ka Debasmita kan long kum ka kapten. ïa ka kynhun yn long manager da ka Baiahunlang Mylliemngap, kaba dei ruh na Meghalaya.
U President jong ka Meghalaya Cricket Association (MCA) u Nababrata Bhattacharjee u la long u nongpynïaid (convener) ïa ka jingïalang jong ka komiti jied ïa ki nongialehkai, kaba la long hynnin ka sngi Ba-ar ha Guwahati.
Kane ka lympung kan long ha Nagaland naduh ka 04 haduh 14 tarik Naiwieng.
La pynlong ïa ka jingbishar ba bñiah, kynthup ïa ka jingpynshisha ïa ki jingkheiñ jingdiah jong ka jingïalehkai ha ki lympung bapher bapher jong ka BCCI jong ki kynthei ba la rangbah ha u snem 2024-25 bad ka samoi 2025-26 kaba dang ïaid shakhmat.
Ka thup kyrteng jong ka kynhun North East Zone ki long: Nabam Abhi, Nabam Yapu (both Arunachal Pradesh), Kiran Bala Haorungbam, Ranjita Koijam (both Manipur), Lalrinfeli Pautu (Mizoram), Riticia Nongbet, Debasmita Dutta, Solina Jaba (all Meghalaya), Najmeen Khatun, Vipeni (both Nagaland), Nandika Kumari, Pranita Chettri, Primula Chettri, Priyanka Kurmi, Samayita Pradhan (all Sikkim).
Support staff: Deepali C Patkar (coach), Lalruatsanga (assistant coach), Sheril Lepcha (physio), Jasika Karam (trainer), Abhishag Vantluangpui (assistant physio), Baiahunlang Mylliemngap (manager).