Shillong, Nailur, 25: Ka North Eastern Development Finance Corporation Ltd (NEDFi), Shillong ha ka sngi Thohdieng ka la pynlong ïa ka prokram jinghikai na bynta ki nongsengkam sengjam ha Indoor Stadium, Smit.
Ka jingthmu jong ka NEDFi da pynlong ïa kane ka jinghikai ka long ban ai jinghikai ïa ki nongseng kam lajong ïa ki skhim bad ki lad jingiarp kiba ka NEDFI ka ju ai sha ki ka dei ban ai jingshai ïa ki nongshong shnong ka thain.
U Bah P Rymmai Beanch Manager u la pynshai ïa ki nongïashimbynta shaphang ka NEDFi bad ki kam jong ka ha kane ka thain lam mihngi kiba kynthup ka jingai jingïarap ha ka rukum kum ka ram, ka jingai jinghikai (training) ban kham pyntbit ha ki kam lajong ha ka sap ka suh ka thain jingthain bad ka khaiii pateng bad kiwei kiwei.
U Business Development Representative U Bah Bhanud.Kharkongor u la ïawer ïa ki nongseng kam lajong ban mih shakhamat ban shim kabu ïa ki skhim bapher bapher jong ka NEDFi bad kumjuh ïa ki skhim bapher bapher jong ka Sorkar pdeng kum ka MOVCDNER, National Bamboo Mission bad kiwei kiwei.
Shuh Shuh u la batai kham bniah shaphang ka North East Venture Fund (NEVF) ka venture fund ba nyngkong eh jong kane ka thain lam mih ngi ba la seng ban kyrshan ïa ki Startup ka thain. La ai jingpynshlur ïa ki samla ban peit sha ka jing sengkam la jong kum ki startup ha Meghalaya ban kyrshan bad ban ai kam ai jam ïa kiwei pat ki para doh para snam lyngba ka NEVF.
