Bat ki skul na Tura ïa ka kyrdan ba ar bad ba lai ha ka state merit list ha ka SSLC

Tura, Ïaiong 7: Ki Schools na Tura kila paw napdeng ki skul kiba la leh bha ha ka Meghalaya Board of School Education (MBOSE) SSLC Examination 2026, ha kaba ki khynnah kila ioh ban bat ha ka kaba ar bad ba lai ha ka state merit list.
Katba ka pass percentage hapoh ka jylla ka long 86.84%, u Vishal Kumar jong ka Embee Rosebud Higher Secondary School, Tura, u la wan ha ka kyrdan kaba ar da kaba ioh 576 mark (96%). Ka Prinita Das jong ka Pechon A Sangma Memorial Police Public Secondary School, Tura, kala wan ha ka kyrdan balai da kaba ioh 575 ka mark kaba duna tang shi mark na u Vishal.
Ki bor pynïaid jong ka skul Embee Rosebud ki la ong ba u Vishal u la long u nongïakhun uba ju wan beit sha khmat bad kane ka kyrdan ba u ioh mynta kala pynlong ïa ka skul ban long kaba phra naduh u snem 2011.Ka skul ka la pynpaw ruh ïa ki resut kaba khlaiñ, ha kaba baroh 63 ngut ki khynnah skul ki la pass, kynthup ïa 54 ngut ha ka kyrdan ba first division.
Ka Pechon A Sangma Memorial Police Public Secondary School ka la paw ruh bas a ar ngut ki khynnah skul ba kila wan ha ka top 20, ha kaba u Tushar Das u la ïoh ïa ka kyrdan kaba 11 bad ka Pragati Gupta ka la wan ha ka kyrdan kaba 18.
Da kaba bynrap shuh shuh ïa ka jinglah jong ka Tura, ka Sherwood School ka la don ïa ar ngut ki khynnah skul kiba wan ha ka merit list, ha kaba u Adiel R Sangma bad u Churchill Leitanthem ki la ïoh ïa ka kyrdan ba 19 bad ba 20.