Shillong, Nailar 11: Ki pulit ka jylla ha ka 8 tarik mynta u bnai ha ka por 4 baje janmiet ki la ïoh ban khangkdong ïa kawei ka kali kaba don u nombar ML-05-4549 bad lap ruh ïa 2 ngut ki nong Bangladeshi kiba kyrteng u Md. Hussain Ahmed Islam ba la 23 snem ka rta bad u Md. Pijas Uddin ba la 39 snem ka rta na Byrnihat Infiltration Check Gate (RB) bad ki la shem ruh ba ki VISA jong ki, kim treikam shuh.
Halor kane kitei ki nong Bangladeshi ki la ïathuh ba ki la aplai ïa ka jingdonkam ban ïoh jingbit ban mih noh na ka ri hynrei ïa kane ruh kim lah ban pyni ïa ki sakhi kaba ki la kam.
