Shillong, Nohprah 12: Ki pulit hadien ba ki la ïoh ka jingtip kaba thikna ha ka sngi Thohdieng ka 12 tarik mynta u bnai, ki la ïoh ban leit bat noh ïa kumba 6 ngut ki nong Bangladeshi.
Kine ki 6 ngut kiba la shah bat ki dei kiba la ithuh kyrteng ka Nipa Dey 38 snem ka rta, Kamol Dhar 48 snem, Dayal Sarkar 29 snem, ka Lobly Sarkar @ Molina Sarkar 50 snem, Probir Dey ba la 40 bad ka khun kynthei jong u kaba dang 5 snem ka rta. Kine ki dei kiba la wan na Mayapurdham (WB), khlem da don ki kot ki sla kiba shong aiñ bad ki la pyrshang ban jam sha shilliang jong ka ri Bangladesh na India lyngba ka Koinabui (WGH).
Na kine ki nong Bangladeshi la ïoh ban kurup ka pisa T. 5,000/- INR, ka pisa 7,250/- Taka, 3 tylli ki mobile phone, artylli ki Bangladeshi SIM card, 4 tylli ki Aadhaar card, ki Bangladesh Bank counterfoil, bad kiwei kiwei.
