Bat ka KSU ïa uba kam ïalade kum u Pulit bad lum pisa na ki mynder ban ïoh rung sha Meghalaya

Nongpoh, Nailar 06 : Ka Khasi Student Union ha ka jingïalama u President u Samla Bashem Kharnaior ryngkat ka jigndon lang u Assistant Secretary u Samla Banshan Nongbsap, u Education Secretary u Samla Batiplang Nongbri mynta ka step ha ka por 6 baje ki la ioh jingtip ba don ki mynder kiba wan na kawei ka Kali kaba don ïa u number AS 25 CC 4375, ha kaba la suba ba la ïalam da uwei u briew ba kam ïa lade kum u Pulit bad uba la pyni ruh wat ïa ka ID Pulit ba la tip kyrteng kum u Brill Rongpeit na ka 1st Battalion.
Ka seng ha ka jingioh bat ïa kitei ki mynder, ki la pynlong ïa kata ka jingtohkit bad la kynnoh ba utei u Pulit u la shim pisa mar 1 hajar shi khlieh briew na kitei ki 5 ngut ki mynder kiba wan na katei ka Kali tang ba kin ioh ban rung sha kane ka jylla. Ka seng ka la pan ruh ïa ki kot ki sla ban pynshisha halor katei ka jingshim pisa u tei u Pulit bad ruh ïa kitei ki bar jylla ha kaba ki la shu phet krad noh ïa lade na katei ka jaka khlem ai ka jingpynshisha sha ki nongïalam ka seng KSU.
Halor kane ka jingphet kynsan utei u pulit bad kitei ki mynder kiba pyndonkam da katei ka Kali ka la dang pynsuba sniew ruh ïa ki nongïalam ka KSU bad halor ha kane ka jingphet krad jongki, ka seng KSU Umiam Circle ki la pyntip noh mardor sha ki nongïalam ka KSU Mawlai Circle ban buddien ïa katei ka Kali kaba kiew beit sha nongbah Shillong.
Na ka liang ka seng KSU Umiam Circle, halor ka jinglap ïa utei u pulit ba lum pisa bad ban pynlait ïa kitei ki mynder, ka la buh ka jingdawa na ka tnad Pulit Meghalaya ban ai ka jingpynshia la u Brill Rongpeit u dei shisha neem u ba trei ha ka kam pulit ne u ioh u shuh pyndonkam bakla ïa ka kyrdan Pulit tang ban ioh pynïaid ïa kum kitei ki kam lum pisa beain na ki mynder kiba thmu ban rung sha ka jylla.