Jowai, Nohprah 21: Kane ka dei ka jingpyntip sha baroh ki nongbam khaw rashon hapoh ka scheme NFSA (AAY & PHH), katkum ka jingbthah ka ïing ba don burom ka Supreme Court dei ban pynïasnoh ïa u Aadhaar bad ka Ration Card bad ban shonkti lane ban leh e-KYC.
ïa ka bhah khaw jong kito kiba bat ïa ka Ration Card PHH yn sam katkum ka jingpyndep ïa ka jingshon kti jong ki bad ïa kito kiba bat ïa ka Ration Card AAY, yn bat shwa katba ym pat dep ban leh e-KYC naduh u bnai January 2026.
Baroh ki nongbam khaw ration ki lah ban shon kti lane leh e-KYC na baroh ki dukan die ration lyngba ka e-Pos machine ka office jong u Deputy Commissioner (Supply), West Jaiñtia Hills District, Jowai lane lyngba ka Mera e-KYC Apps kaba ki lah ban downloaded bad pynshisha ïa ki jingdonkam.
