Nongstoiñ, Jymmang 6: Ka Seng UHM West Khasi Hills ryngkat kiwei pat ki sengbhalang hapoh ka District, ka maham ïa baroh ki Office treikam hapoh ka West Khasi Hills ba ha ka 9 tarik kaba hap ha ka sngi lah u Blei, ba ki dei ban khang lut na ka bynta ka jingrakhe ïa ka Shad Suk Mynsiem hapoh ka District, namar kumba lah ïohi ha ki snem ba lah dep bun ki jaka treikam kim kheiñ kor ïa kane ka sngi kyrpang u Khasi Khara.
Kumta ka seng ha kane ka snem ka kyrpad ïa ka jingïatreilang na ki jaka treikam bapher bapher hapoh ka District, ba kin khang ïa ki jaka treikam na ka bynta ka dak ban burom ïa kane ka sngi bad kiba pynkheiñ bad bym burom ïa katei ka sngi kyrpang jong ki khun ka Seng Khasi, na ka liang ka seng kam banse ban hap ban shim ki sien jam ba tyngeh bad lait noh ki jaka ai jingsumar ki lah ban treikam. Kane ka long ka kyrwoh ba la phah da u President bad General Secretary ka seng UHM West Khasi Hills District.
