Ban shna lynti Rel na Balurghat sha Mahendraganj lyngba ka Bangladesh

Shillong, Nailur 02: ka jingangnud ba la slem bah ban don noh ka lyni rel bad ka surok ïaid kali kaban ïaid lyngba ka ri Bangldesh sha India kan sa urlong noh shen. Ka Joint Movement Committee for Corridor dang shen ka la leit ban kyrpad ïa ka Myntri Rangbahduh ka ri Bangladesh ka Sheikh Hasina ba kan pynstet ïa ka jingai jaka ban pynïaid ïa kine ki surok rel bad kali na Balurghat-Hili(West Bengal) sha Mahendraganj-Tura (Meghalaya) lyngba ka ri Bangladesh.
Ïa kane ka kynhun la ïalam da u Dr Kumar Das uba dei u convener jong ka Joint Movement Committee for Corridor bad ha kane ka jingleit ïa kynduh jong ki ki la aiti ruh ïa ka dorkhas sha ka Myntri Bangbah ka Ri Bangladesh ha ka jingleit iuh kjat jong ki sha Bangladesh ha ka 29 taik Nailar.
Na ka liang ka kynhun ka la aiti ruh ïa kne ka juh ka dorkhas sha u Myntri ka tnad rel jong ka ri Bangladesh u Md Nurul Islam Sujan ha ka 30 tarik Nailar ha ka jingdon ryngkat u Ekbal Rahim, Chief Whip jong ka Bangladesh Parliament, Amulya Ratan Biswas, Rupak Dutta, Subrata Majumdar Dollar, General Secretary, Dinajpur Press Club, representative of NTV, Hili, Shahinur Reza bad u Wahedujjaman Bulbul, u nongsaid aiñ jong ka Supreme Court jong ka ri Bangladesh.
U Dr NK Das u la ong ba kane ka surok rel bad surok kali kaba pynïasoh hapdeng ki ri ba marjan ka dei ka jingdawa ba la slem jong ki paidbah jong kine ki ar tylli ki ri bad kane ka projek kan kyntiew ïa ka ïoh ka kot bad kan pynkhlaiñ ruh ïa ka jingïadei hapdeng ka India bad Bangladesh.