Ban pynkhlaiñ ïa ki jingtreikam ka seng, thung ka Congress ki nongpeit pyrman ha ki Distrik

Shillong, Rymphang 0 9 : Ka seng Congress ha Meghalaya ka la pynkhreh mynta ban pynbha bad pynthymmai bad pynkhlaiñ noh ïa ki rukom treikam jong ka, ha kaba ïa kane na ka liang ka All India Congress Committee ka la buh ïa nongpeit pyrman kiba bniah kiba ka la thung thymmai shaduh ki kyrdan jong ki district.
Na ka liang ka Meghalaya Pradesh Congress Committee ka la dep ban pynlait ïa ki kyrteng jong ki nongpeit pyrman ba kin ïarap ïa ki nongïalam jong ka sengkmie ban wanrah ki jingpynbeit thymmai ha ki rukom treikam jong ka, kaba hab hapoh ka ‘Sangathan Srijan Abhiyan’.
Kine ki nongpeit pyrman kiba thymmai ki kynthup ïa u Bah Madonbai Rymbai (West Jaiñtia Hills), Hilarius Warbah (East Jaiñtia Hills), Adrian L Mylliem (East Khasi Hills), C.B. Syiem (Shillong City), Lawanpynshngain War (West Khasi Hills), Ebozez T Sangma (West Garo Hills), Zenith M. Sangma (Tura City), Thomson Marak (East Garo Hills), Reynold M. Sangma (North Garo Hills), Mettrison G. Momin (South Garo Hills), bad Brigady N Marak (South West Garo Hills) nalor kiwei pat kiba la seng ka la dep ban buh ïa ka thong jong ka.