Ban pynduh pyndam ïa ka tih dewïong be-aiñ, ai noh da ka small scale scientific mining: JNC

Shillong, Rymphang 10: Kum shi bynta ban ym pynshlur shuh ïa ki paidbah ba kin dang bteng ban trei beain ïa u dewiong, Ka Jaintia National Council (JNC) kala kyntu ïa u Myntri Rangbahduh u Narendra Modi bad ïa ka sorkar jylla ba kan ai lad lang ruh ïa ki paidbah ba kin leh ïa ka small-scale scientific coal mining ha Meghalaya.
U President ka JNC haba kren sha ki lad pathai khubor u la ong, Na ka por sha ka por ngi la thoh sha u Myntri Rangbah ka jylla Meghalaya, ka State Mining and Geology Department, bad sha u MP ka Shillong konstitwensi, da kaba kyrpad ïa ki ban rah ïa kane ka mat sha ka sorkar India, kumba Ngi la ju kyntu beit ban pynim biang ïa ka jingtih dewiong ne ka small-scale scientific coal mining ha Meghalaya.
Kumba ka long mynta la shah ban ban leh ïa ka scientific mining tang ïa kito kiba don ka jaka kaba heh 100 hectare ne palat.Khyndiat eh ki briew kiba don ïa ka jaka kaba heh kum kane, bad kane ka dei ka daw bah kaba pynbor ïa kiba bun ki nongshong shnong ban leh ïa ki kam tih dewiong beain.
Ka jingjia ha Mynsngat-Thangsko ka la pynkhihwin ym tang ïa ka jylla Meghalaya hynrei ia ka ri India baroh kawei, Wat u myntri rangbah duh ka ri India u Narendra Modi, u la pynbna ban siew bai lutksan ïa kiba ha ïing jong kito kiba la duh ei ïa la ka jong ka jingim ha katei ka jingbthei bom, bad katto katne ngut ki myntri ka sorkar pdeng, ki la pynrem ia katei ka jingjia.
Kumta ka JNC ka kyrpad ïa u Myntri Rangbah bad ïa ka Union mining ha Meghalaya ba kan iarap ban pynduh pyndam ïa ki kam tih dewiong beain bad kan ai jingmyntoi ïa ki paidbah bad ïa ka sorkar hi baroh kawei.Ka jingtih dewiong beain ka ktah jur ïa ka jingmih bad ka mang tyngka jong ka Sorkar bad ka Autonomous District Council.
Shuh shuh u Bah Sambormi u la ïathuh ba ka jingeh ba mih ha ka ophis jong ka JHADC ban siew tulop ïa ki nongtrei jong ka Council kadei namar ba ka khajna kaba dei ban poi sha ka ophis kala lait tuh noh shawei.