Shillong, Nohprah 21 : Ka Hynñiewtrep Achik National Movement (HANM ) Riwar Mihngi Circle, Pynursla hynne ka sngi Balang (21-12-2022) ka la pynlong da ka jingpynïakob mareh marathon kaba 10 km ïa ki samla shynrang bad 5 km ïa ki kynthei.
Ka jingpynlong ïa kane ka jingpynïakob mareh marathon ka long ruh kum shi bynta ban ai jinghikai ba ki samla kin lait bad kiar na ki jingdih pynbuaid khamtam na u drok. Ïa ka jingpynmareh la sdang na parking lot Pynursla ter ter ha Laitmynrieng, Langkyrdem shaduh Wahlyngkhat ha kaba la wan ban ïashim bynta shitrhem ki samla shynrang, kynthei bad ki longkmie.
Ha kane ka sngi u Lyngdoh jong ka Raid Mawlieh u Dr.F .Lyngdoh u la long kum u kongsan bad u Bah Lamphrang Kharbani President jong ka HANM Seng Kmie kum u symbud kongsan.
