Ban khanglad ïa ka jingrung ki mynder kadei ka kamram ka sorkar bad ki nongshong shnong

Shillong, Nailar 11 : U Myntri sorkar ka jylla, Bah AL Hek ha ka sngi Nyngkong u la ong ba kadei ka kamram jong ka sorkar jylla bad ruh jong ki paidbah nongshong shnong ban snohkti lang ban khanglad ïa ka jingïoh rung suk ki mynder sha ka jylla.
“Kadei ka kamram jogn ka sorkar jylla bad ki nongshong shnong ban pyntikna ba ym don ki mynder kiban ïoh jaka ha ka jylla Meghalaya,” ong u Myntri haba kren bad ki lad pathai khubor hynne ka sngi.
Da kaba kdew halor ka jingïoh kem noh dang shen bun ngut bha ki mynder na Bangladesh ha ki bynta khappud jong ka jylla, u Myntri u la ong ruh, “Ka dei ruh ka kamram jong ka sorkar jylla ban pyntip sha ka sorkar pdeng halor kane ka jingïoh rung ki mynder na kawei pat ka ri sha kane ka jylla.”
Shuh shuh u banjur ruh ba ka long kaba kongsan haduh katta katta na ka bynta ka sorkar jylla ban shim ïa ki sienjam na ka bynta ban peit halor kane ka ishu.
“Ki bor pahara kynthup naduh ki pulit bad ki Border Security Force ki la trei borbah bna ïada ïa ka jingïoh rung ki mynder,” u la bynrap biang.
Ha kajuh ka por u la ïaroh ai ka jingthmu jong ka sorkar jylla ban wanrah noh da ka ain kaba thymmai na ka bynta ban pynkhlain shuh shuh ïa ka jylla na ka jingïoh rung ki mynder sha ka jylla.