Shillong, Naitung 03: Ka kam “Gramin Dak Sevaks Post-reg” ka dei ka kam kaba rit eh ha post ophis, kane ka kam ka long ban rah ïa ki shiti na post ophis sha ki shnong kiba hab hapoh kata ka post ophis kaba la treikam.
Ïa kine ki kam kiba rit ha ki snem kiba la dep la juh pynlong ïa ka eksamin da ki “Staff Selection Commission” jong ka Ri India, hynrei mynta la lai snem ïa kane ka eksam la pynlong beit na Delhi bad kiba apply ïa kane ka kam ka long online kaba mut kaba long ïa baroh kawei ka Ri India.
Ïa ka ktien kaba hap ban thoh ia ka eksam kan long da ka ktien sorkar jong katta ka jylla ha Meghalaya namar ka ktien phareng ka dei ka tien sorkar kiba apply ïa kine ki kam ki hap ban thoh ia ka eksam da ka ktien phareng ne ktien Hindi.
Halor kane ka mat wat la u Myntri Rangbah ka jylla u Conrad K Sangma u la shim khia ban pynrung ïa ka ktien Khasi bad Garo ban thoh eksam na ka bynta kitei ka kam ha u snem 2021 bad ka post ophis ka la pnykylla ïa ka Office Memorandum na ka bynta ka North East ban pynrung kum ki ktien bynrap.
Ka ophis ba hakhlieh duh jong ka post ophis Dak Bhavan, Sansad Marg kaba hab hapoh jong ka Ministry Communication Department jong ka sorkar pdeng ka la pynmih ïa ka Office Memorandum ha ka 09/Jylliew/ 2023 ba la kynthup lang ïa ka ktien Khasi bad Garo kum ka ktien bynrap hynrei ïa ka ym lah ban pyntreikam namar ka ktien phareng ka dei ka ktien sorkar ha Meghalaya.
Na ka liang jong ka Post ophis ka la wanrah ïa ka jingpynbna sorkar haba ïadei bad ka ktien ha ka jylla, hynrei ka ktien Khasi bad Garo ha Meghalaya dang dei ka ktien bynrap, kumta ïa ka ktien ka kam ha Meghalaya dang hap ban thoh da ka ktien phareng lane ktien Hindi.
