Ban ïada na ka jingshongkha khynnah pynlong prokram ai jinghikai hapoh ka shnong Priang

Jowai, Ïaïong 18: Ka Village Organi zation Priang ha ryngkat ka Khasi Student Unit (KSU) Priang Unit mynta ka sngi 18 tarik kila pynlong ïa ka prokram ai jinghikai (Awareness Programme) halor ka phang shongkha dang khynnah (Child marriage) ha ka shnong Priang West Jaiñtia Hills District.
Ha kane ka sngi ïa ka prokram la pyn ïaid da ka kong E. Sajem kaba dei ruh ka President jong ka VO Priang ha ryngkat ka jingïadon lang u Officer in-charge jong ka Saphai Out Post, u Doctor in-charge jong ka Iooksi PHC lem bad kiwei.
La ïoh ruh ban kren pdiang da u President jong ka KSU Priang Unit samla B. Sohtun, naka liang u OC Saphai Out Post ula ai ka jingkren da ki kyntien sneng kiba ïa dei bad ki kyndon aiñ. Ula maham ruh ba lada don kiba shongkha dang khynnah ki lah ban ngat ha ki kyndon aiñ bapher bapher kum ha ka PACSO Act.
U Asst. General Secretary ka KSU WJHDU samla Balawantei Suchiang ha ka jingkren ula pynsngew ba ym slem shuh ka seng kan sa phah jingthoh sha ki bor jong ka aiñ bad lada u ne ka bashong Kha hapoh ka rta ba dang rit ki lah ban shah pynshitom.
Na ka liang u Dr in-charge jong ka PHC Dr. S. Nartiang ula batai bniah bha ïa ki nongshong shnong ha kaba ïadei bad shongkha dang khynnah, u ong ruh ba lada don kiba shongkha hapoh ka rta kaba dang rit kin sa duh noh ïa ka jingkoit jingkhiah bad kan ktah ruh ïa ka imlang sahlang.
Ha kane ka sngi la wan ban ïadonlang da u Waheh shnong Priang bad la pynphuh pynphieng shuh shuh ïa kane ka sngi da ki jingshat tynrai bad ka drama lyngkot na ki dkhot jong ka VO Priang.