Ban ïada ïaki kynthei ban lait naka jingshah thombor, 200 tam ïoh jinghikai ki heprit bad samla kynthei
Nongpoh, Nailur 01: Kumba 200 ngut ki samla kynthei naduh ki heprit kila ioh jinghikai ban lait naki jing shah thombor bad mynta ka sngi naka liang ki nongpynïaid jong ka Asmita Pencak Silat League 2025 2026 kila pynhap pyrda noh ïakane ka jinghikai kaba la long ha ing Dorbar Hall Nongpoh Ri Bhoi District.
Hakane ka Asmita Pencak Silat League 2025 2026 la wan ban ïa shim bynta daki 200 tam ki nong ialehkai kiba kynthup naduh ki khynnah rit haduh kiba la kham san bad la ïa wan shim bynta ruh daki khynnah skul naki 4tylli ki skul bad naki District ki bapher bapher kiba doh hapoh ka jylla Meghalaya.
Ïa kane ka lympung la wan ban pynhap pyrda noh da u Bah Mayral Born Syiem u ba dei ruh u MLA ka Nongpoh Constituency haka jing don ryngkat u President u Bah Dipshon Ryntathiang u General Secretary u Bah Thomas Rangthaluh lem bad kiwei kiwei
La sam ruh ïaki khusnam ha katei ka sngi ha kaba ïaka nam Champion la ioh rah daka Skul St Francis D Assisi Secondary School bad ïaka 1st Runner’s Up la ioh rah daka Umkon Sohtad Martial Art Sports Club ïaka 2nd runners up la ioh daka Pyrda Govt LP School bad ïaka Best Discipline Team la ioh rah daka Pahammawlein Secondary School.