Ban burom ïa ka jingkhlad u MP ba donburom, la pynsangeh ïa ka dorbar mang tyngka jong ka jylla

Shillong, Rymphang 20: U Lamphang ka ïingdorbar thaw aiñ ka jylla Meghalaya u Thomas A.Sangma mynta ka sngi u la khot ïa ka jingïalang kaba kyrkieh jong ka Business Advisory Committee da ka jingbit jong ka sorkar jylla bad ha kane ka jingïalang la shim ïa ka rai ban pynsangeh ïa ki kam kiba dei ban shim ha ka sngi Thohdieng hapoh Ïing Dorbar kum ka jingburom ïa ka jingkhlad u Dr. Ricky Andrew J. Syngkon.
U Lamphang ka ïingdorbar thaw aiñ, u la ong ba kan don ka jingshong dorbar ba kin pynlong ïa ka jingleh burom na ka bynta u MP ba la khlad noh bad hadien kata yn sa pynsngeh noh ïa ka jingïashong dorbar na ka bynta ka sngi Thohdieng bad la ïoh ïa ka jingmynjur na ka sorkar ba nym shim ïa ki kam kiba dei hapoh ïingdorbar.