Jowai, Rymphang 26: U ma Octomewot Lamin mynta ka sngi 26 tarik ula bam smai kum u MDC ba shu sieh (Nominated) haka jingïalang bala pynlong ha kamra u Chairman ka Jaiñtia Hills Autonomous District Council (JHADC) Jowai u Dr. Sankey Shangpung.
U ma Octomewot Lamin ula shah thung biang ban long u MDC ba shu sieh ha kane ka sien kaba ar, ha ka jingkren ula ai ka jingkhublei ïaka Executive Committee jong ka JHADC hapoh ka jingïalam jong ka Party NPP kala la ibit ibiang ïa u ban trei ïa kane ka kam hapoh ka Council.
La pynbam smai ïa u MDC ba shu sieh da u Chairman ka JHADC, ha ka jingdonlang u CEM ma Thombor Shiwat, ki EM ka Council bad kiwei de ki para MDC na ka liang synshar bad kumjuh na ka liang pyrshah.
