Jowai, Nailur 12: Ka Jaiñtia Youth Federation (JYF) Central Body mynta ka sngi 12 tarik u Nailur 2022, kala ïoh ban pynbam smai ïa ki nongkitkam ba thymmai jong ka na ka bynta ka samoi jong u snem 2022-2025 da u Bah D.L. Rymbai President barim jong ka Central Body.
Ha kane ka sngi la sakhi lang da ki nongkit kam barim jong ka JYF Central body, naduh u ma L.D. Lakiang uPresident ba nyngkong duh jong ka seng kum u kongsan, Bah D.L Rymbai President barim ka JYF Central Body kum u symbud kong san.Hashwa ban sdang ïa ka jingïalang pynbam smai la ïoh shwa ïa ka jingduwai na ka President ka JYF Women Wings kong Arlin Dkhar. Ïa kane ka jingïalang pynbam smai la pynïaid da u Bah P.J. Bamon (ex CES JYF -CB), kum u shong knor.
Ha kane ka sngi u ma L.D. Lakiang u sneng kyntu ïa ki nongkit kam ba thymmai ban long kiba kit khia bad shakri hok ïa ka im lang ka sah lang khlem da khmih lynti ban ïoh bainong bad ban trei shitom na ka bynta ka bha ka miat jong ka Ri bad ka jaid bynriew.
Na ka liang u Bah D.L Rymbai ha ba ai jingkren u kyntu ïa ki dkhot jong ka JYF baroh ban long ki ba ïatrei lang ryngkat ym dei ban don ka Mynsiem ïa bishni iwei ïa iwei bad da kyntu jur ruh ïa ki nongkit kam bad ki dkhot ban long kiba, don burom akor bad ruh ban long ki ba tip ban burom ïa ki nongïalam ki barim bad ïa kiba thymmai ruh kumjuh.
Ula kyntu ruh ban long ki ba trei dep ïa ka kam ki ba ai jingmyntoi ïa ka imlang ka sah lang. Ha kane ka sngi la ïoh ruh ïa ka jingkren na u President ka JSM Western Region samla Ribok Biam, ma Dilone Lyngdoh Waheh Dong Salini Colony, u David Ngaite Ex Disciplinary Secretary JYF-CB bad kiwei kiwei de. Ha kane ka sngi na ka liang jong President ba thymmai jong ka JYF Central Body ma O.L Tariang u khot ïa ka jingïatrei lang jong baroh ki nongkit kam ba thymmai bad ruh ïa ki nong kit kam barim ban long kiba ïa trei lang ryngkat ha baroh ki liang.
Ki nongkit kam ba thymmai ka Jaiñtia youth Federation (JYF) Central Body ki long kumne: President u O.L Tariang, Vice President u Jordan Rymbai, General Secretary u C.L Suchiang, Joint Secretary u Oswald B Nampui, Finance Secretary u Pynshlurbha Dkhar, Asst. Finance Secretary u J. Pala, Organising Secretary u Rapmiki Pohti, Asst. Organising Secretary u Arjun Lakhi, Education Secretary u Lasoki Rymbai, Publicity and Information Secretary u Shwamiki Dkhar, Sport and Cultural Secretary u Shemphang Shylla, Asst. Education Secretary u Clifford Shylla. Ha ka liang jong ki Women’s Wing la jied ïa ka President ka kong Arlin Dkhar bad Secretary ka kong Friday Sana.
