Ba tynrah ka trok ïa ka kynroh ha Ladmukhla mynsaw uba ñiah bad u nongbud

Khliehriat, Nailar 27 : Mynne myntep ha ka por kumba 9 baje mynstep kawei ka trok kaba pynher stet kaba kit ïa u clinker kaba don u registration number NL 01AG 2025 ka la leit tynrah ïa ka kynroh ha Lad Mukhla ha surok Jowai Shillong Road, ha kane ka jingjia uba ñiah ïa ka trok u bah Tellmeius Suting, 25 snem kyrta uba na shnong Nonglatem u la mynsaw bad la pynkit noh ïa u sha Ummulong CHC bad hadien katto katne namar ba kham jur ka jingmynsaw la kit pat ïa u sha Jowai Civil Hospital.
Uba bud ïa katei ka trok pat uba tip kyrteng kum u Rihanna Rymbai, 23 snem kyrta uba na ka shnong Mulang la pynkit ïa u ha Ummulong CHC namar u mynsaw malu mala.