Jowai, Naitung 05: Ka Jaiñtia Students Union (JSU) Syndai Unit mynta ka sngi hapoh ka jingïalam u Vice President Samla Bankerlang Lamurong bad u General Secretary samla Mebanri Suliang ha ryngkat ka jingdonlang u Rangbah Shnong ka shnong Syndai Mission u Nason Mynthlu kila leit ban kynduh ïa u DC jong ka West Jaiñtia Hills halor ka jingthut khah khah jong u Network Airtel kaba don ha shnong Syndai Mission.
Ka Seng ha ryngkat ka shnong kila kyrpad ïa u DC ban tuklar lem ïa kane khnang ba kan long ka jingmyntoi ïa baroh ki nongshong shnong jong ka shnong Syndai bad ki marjan shnong baroh namar ha kane ka juk stad kaba mynta ka network ka long kaba donkam bha ïa baroh ban pynsted ïa ki kam ki jam ha baroh ki liang khamtam ïa ki samla pule kaba pynsuk ïa ki ha kaba ïadei bad kam pule jong ki.
Kumban shu pynkynmaw ka JSU ha ki snem ba la dep, ka la dep ban complaint ha ki bor ba dei peit jong ka Airtel Company halor ka jingthut bad ka jingslow jong ka Internet connection hynrei kumba ka long mynta ka Network ka neh hi kumjuh.
