Ba thung kam sopsop ha jaka sumar ba 100 jingthiah leit ïa kynduh DM&HO ka HITO

Mawkyrwat, Nohprah 17: Ka Hynñiewtrep Integrated Teritorial Organisation (HITO) jong ka South West Khasi Hills District ha ka jingïalam u President ha ryngkat ki member mynta ka sngi ki lah dep leit ïa kynduh ïa u DH&MO hapoh CHC Mawkyrwat ha kaba ïa dei bad ka jingthung kam sop sop hapoh ka jaka sumar ba 100 jingthiah hapoh CHC Mawkyrwat kaba ym shem tip mano mano ïa ka kane ka bynta.
Katkum ka jingïathuh u President jong ka HITO, u samla Polius Thyrniang u la ong ba haba kylli ïa u DH&MO, South West Khasi Hills District ha kaba ïa dei bad kane ka bynta u u ruh u ong hana ba ym shem don jingtip ei ei.
Kumta ka seng ka pynrem jur ïa ka sorkar bad khamtam eh ïa ki bor ba dei khmih ïa ka jingleh sop sop ka jong ki, ong u kyrwoh ba la phah da u President ka HITO, South West Khasi Hills District u samla Polius Thyrniang bad na u Secretary u samla H. Marshal Ramsiej.