Shillong, Naitung 07 : Ka HYC Mawlai Circle ha ka 6 tarik Naitung 2022 ka la leit ban ïa kynduh ia u Executive Engineer (EE)PWD Road Bah C.Kharmudai ban ïakren halor ka jingsahteng ka jingtrei ïa ka surok St Teresa Road kaba jngai kumba 3 Kilometres ei ei na Lai lad Mawlai Umshing Mawkynroh shaduh sha Mawlai Mawroh.
Haba kren sha ki nonglum khubor hadien ba mih na ka ophis u EE u Bah Donboklang Kharlyngdoh u la ïathuh ba ka seng ka la leit ban kyrpad na u EE ba un ai ka hukum ïa ki kontraktor ba kin pyndep noh ïa kane ka surok kaba ka tnad PWD la mang naduh u snem 2019-20 kumba 12 klur shiteng,
Shuh shuh u la ïathuh ba ïa kane ka surok la pyntei da ki arngut ki kontraktor . Ki kontraktor kiba trei ïa kane ka kam ki long ka Kong Banalari Khongwar bad u Bah Rocky Dhar ha kaba 600 metres kaba pyntrei da i Kong Banalari la pyndep kumba 95% bad ïa ka 2.400 km ba la pyntrei da u Bah Rocky Dhar la trei dang kumba 40%
