Jowai, Nailur 24: Ka Jaiñtia Student Union (JSU) hynnin ka sngi ka lah leit kynduh bad ki shipai BSF kiba ap pahara ha Amlarem, la ïathuh ba la bun sngi mynta ka jingdon jong kitei ki BSF harud surok Amlarem ka lah buh dak jingkylli ïa u paitbah.
Na liang ka seng ka lah ïoh ban ïa kren bad u Commandant ka BSF Dawki bad u Sub Inspector ka BSF kine heh shipai ki la ong ba kane ka jingbuh ïaka camp kadei shi bynta ka Joint Mobile Check Post bad ki lah ong ruh kan dei tang ka camp kaba shipor ym ka shirta.
Ha ka jingïakren bad ki BSF u nongïalam ka seng samla Treibor R Suchen u la ong ïaki BSF kiba don ha kane ka jaka bad ïa u Commandant ka BSF Dawki ban ym bit ban pyndik ïaka leit ka wan ki paitbah nongshong shnong ka thaiñ namar kadei ruh ka jaka Tourist ïah ka ktah ïaki nongwan jngoh kai pyrthei sha ka thaiñ.
Shuh shuh samla Suchen ula ong ba u heh BSF u la ong sha ka seng ba kane ka jingbuh ïaka Camp kan dei kaba shipor bad na ka liang ka seng ka la dawa ruh na ki heh jong ka BSF ban peitngor ïaka jingrung jingmih tuh ki dkhar Bangla sha India lyngba ki khappud jong ka thaiñ War Jaintia baroh kawei namar ka jingbuh ïaka Camp shipai jong ki BSF ha Amlarem kan ym don jingmut lada ka rukom pahara sha khappud ka long synjor kam myntoi ïaki BSF kin wan buh jaka ap pahara shaduh sha Amlarem.
