Shillong, Nailar 02: U Bah Paul Lyngdoh u Myntri ba dei peit ïa ka tnat shangsuwari u la ïathuh ba ka sorkar kan pynlong ïa ka jingïalang kaba ar sngi kaba dei ha ka sngi ba ar bad sngi Balang ha kane ka taïew ban wan.
U la ong ba un sa pynïaid ïa kane ka jingïalang ha kaba plie bad ha ka sngi kaba ar u Myntri rangbah ka jylla un ïadon lang, kane ka jingïakynduh lang kin sa khot lang ïa baroh kiba don bynta ha kaba pynïaid ïa ka kam Shangsuwari ha kane ka jylla.
Kane ka jingïalang la khot, naduh ki nongpynïaid ïa ki kali, ki nongïalam lynti bad ïa ki trai ba buh ïa ki hotel. Kane kan long ruh ïa ki shnong ki thaw khamtam ïa kito ki shnong kiba ki nongleit kai shangsuwari ki sngew tynnad bha ban leit.
Ban kdew ba naduh ba shah pynphai kali Tourist na Assam ha ki dkhot ka seng HNYF ïa kaba ki pulit ki la kem ïa ki naba ka la ktah bha ïa ka leit ka wan jong ki nongwan jong ki nongwan shangsuwari sha kane ka jylla, dei na kane ba ka tnat jngohkai pyrthei ka khot ïa katei ka jingïalang.
Kumba ka long mynta ka jylla Meghalaya ka don ka jingduna ki kali Tourist kumba 3000 tylli tam eiei, na ka liang jong ka sorkar ka dang peit ïa kane ka bynta hynrei kaei kaba ka sorkar ka tip ka don ka jingduna ki kali tourist.
