Shillong, Nailar 07 : Ka sienjam ba la shim da ka Executive Committee jong ka Dorbar Shnong Nongkseh ryngkat ka jingïatrei lang bad ka Nongkseh Sports Social and Cultural Club ka la ai mynsiem haduh katta katta ïa ki nongïalehkai ïakhun kti ne ka arm wrestling na katei ka thain kiban leit ban aireng ha ka International Arm Wrestling Championship kaban long ha Turkey.
Kitei ki arng kiban leit mihkhmat ïa ka Ri sha Turkey ki kynthup ïa u Bah Everson Thangkhiew bad u Bah Hubert Paliar kiba dei ruh ki nongïalehkai kiba la khur ïa ka nam lahduh ha ka National Arm Wrestling Championship kaba dang shu dep.
Nalor ka song pisa bad ka khusnam ba ki ai sha kitei ki arngut, ka Dorbar Shnong ka la pynkup burom lang ruh ïa ki samla na ka shnong kiba la khur ïa ki takma bapher bapher ha ki lympung ïalehkai ba la pynlong da ka Jylla ne ka Meghalaya Arm Wrestling Association.
Kiba bun ki nongkren ha katei ka sngi, kynthup naduh u Chairman ka Executive Committee Bah AL Thangkhiew, President ka Club, Bah Nathaniel Thangkhiew, General Secretary ka Club, Bah Fabian Thangkhiew, nangta Bah R Thangkhiew,Bah MFJ Wahlang ki la ai ka jingkitbok ïa kitei ki nongialehkai kiban mihkhmat ïa ka shnong, ïa ka Jylla bad ia ka India hi baroh kawei ha katei ka International Championship kaban sa long ha Turkey.
Ki sawngut kiwei pat ki nongïalehkai kiba shah pynkup burom ha ka Dorbar Shnong ki kynthup ïa u Baniaikyrsoi Khongwir, Manbhalang Thangkhiew, Bankhammaian Khongwir bad u Banbatjuban Khongwir
