Nongstoiñ, Ïaiong 07: Ka Office jong ka Deputy Commissioner (Excise), West Khasi Hills District Nongstoiñ, ka la pynbna ïa ki Sngi Tyrkhong Kyiad ha baroh kawei ka District, namar ka jingïaid shaphrang ka General Election sha ka Legislative Assembly 2026 ha ka jylla Assam.
Katkum ka hukum ba la pynmih da ka Smti Hema Nayak IAS, Deputy Commissioner West Khasi Hills District, yn pynlong ïa ki Sngi Tyrkhong Kyiad naduh 5 baje janmiet jong ka 7 tarik u Ïaiong 2026 haduh 5 baje janmiet jong ka 9 tarik u Iaiong 2026. Nangta ha ka 4 tarik u Jymmang 2026 kaba dei ka sngi ñiew vote (counting day).
Ha kine ki tarik bad ka por ba la kdew haneng, baroh ki dukan kyiad, kynthup naduh ki IMFL, canteen, bonded warehouse bad kiwei ki jaka ba la ai laisen, ym shah ban plie satia.
Kiba pynkheiñ ïa kane ka hukum yn shah pynshitom katkum ki kyndon jong ka Excise Acts and Rules. Kane ka hukum ka pyndam ïa ka office order ba mynshwa No. NDEX.9/96/Pt.I/60 tarik 6 tarik u Ïaiong 2026.
