Ap jingma ka jingkieng Wahlyngdoh-Maweit
![](https://mawphor.com/wp-content/uploads/2022/05/mawphor-1-2.jpg)
Nongstoin, Naitung 13: U District Magistrate, West Khasi Hills District, Bah Garod L.S.N Dykes, I.A.S u la pyntip paidbah ba ka jingkieng 20/1 Wahlyngdoh jong ka surok Nongstoin Darugiri, Nongstoin- Maweit (20 km) kam lah ban shan palat ïa ka jingkhia kaba 9 ton.
Kumta khnang ban ym don kano kano ka jingthut ïa ka leit ka wan jong kiba ïaid na katei ka jingkieng bad ban lait na ki jingjia bym poi pyrkhat, u District Magistrate, u la pynjari da ka kyndon ba 163 jong ka BNSS 2024, ban khang bad mana pyrshah ïa baroh ki trok, ba kim dei ban kit palat ïa ka 9 ton haba ïaid lyngba jong katei ka jingkieng.