Aiti u Myntri Rangbah ïa ka pisa T.6,07,336 tyngka ban thied kali ha Halfway Home

Jowai, Naiwieng 18: U Myntri Rangbah ka sorkar jylla u Conrad K. Sangma mynta ka sngi ula aiti ïa ka cheque kaba ?6,07,336 tyngka ha u Dr. H.H. Mohrmen, Secretary ka Society for Urban and Rural Empowerment (SURE), ha ka jingïakynduh kaba la long ha ophis treikam jong u ha Shillong.
Kane ka pisa (funds) la aiti na ka bynta ban thied ïa ka kali ban pyndonkam ha ka Halfway Home, Jowai, kaba don ha Sabahmuswang, West Jaiñtia Hills, ïa kane ka pisa la ai lyngba ka Chief Minister’s Special Development Fund 2024-25 (NGO Category).
Kumba la tip ba ka Halfway Home, kadei kawei na ki projek baka pynïaid da ka Society for Urban and Rural Empowerment (SURE), ban ai jingsumar ïa ki briew kiba duna ha ka jingmut jingpyrkhat bad ki bym don ïing don sem, ïa kaba la plie paidbah ha ka 28 tarik June, 2023.
Na ka liang ka Halfway Home, Jowai kala la jop ïa ka jingtreikam na ka bynta ki ar ngut ki nongpang kiba la ïoh jingsumar, kala ïarap ruh ban pynïakynduh ïa ki bad ïa kiba ha ïing ha sem jong ki. Shuh shuh kane ka Halfway Home ka dei kaba saw hapoh ka jylla kaba ïoh jingïarap da ka Directorate of Social Welfare, Shillong bad ïaid lynti shakhmat ha ka kam shakri.
Ha kane ka sngi la mihkhmat na ka Halfway Home kynthup ïa ka Project Coordinator, Niwanka Shylla, bad ka Social Worker, Ilasiewdor Gashnga. Ha ka jingdonlang u Dr. H. Niang, Block Development Officer of Thadlaskeiñ Development Block.
Na ka liang u myntri rangbah ula ai khublei kyrpang ïa kane ka kynhun treimon sngewbha kaba la synñiang ïa ki kam ba bha hapoh ka jylla, da kba kitbok ba kan dang ïaid shakhmat ha ka jingshakri ha kine ki sngi ban wan.