Shillong, Nohprah 8: U Myntri Rangbah ka jylla Conrad K Sangma, u la aiti ïa ka bos skul kaba la bei tyngka lyngba ka Chief Minister’s Special Development Fund, sha ka Khliehriat Higher Secondary School.
Ha kane ka sngi la ïa don ryngkat u MLA ka Khliehriat, u Ma Kymen Shylla, ki nonghikai skul bad ki khynnah skul nalor kiwei de ki heh ophisar jong ka district.
Ha kane ka jingaiti ia ka bos skul, u Myntri Rangbah u la ïakren ruh bad ki samla pule kiba la kylli jingkylli ïa u halor ka jinglong jingman ka pule puthi ha ka jylla, ka jingdih drok bad ka jingkhaïi droks, ki buit jong u ban leh ïa ki jingshah kynthoh bad pynpaw ruh ïa ka jingdonkam ban don ïa ki digital libraries.
