Shillong, Nohprah : U MDC ka Mawlai u Bah Teiborlang Pathaw hynne ka sngi u la ia ki work order kaba kot sha ka 7 lak tyngka na ka bynta ka dong Block 11, kaba ju tip kum ka Patarim ha ka jingïalang ba la pynlong ha phyllaw jong ka skul Grace Care Academy.
Na kane ka 7 lak tyngka, 4 lak u bah Teiborlang u la ai na ka bynta ban pynsuk ïa ki Nongshong shnong ka Patarim Nongkwar ba la aiti ha u Rangbah Dong u bah Kordor Sohtun na bynta ban shna ïa ki Top Um ban bsa um ïa kane ka Dong jong ki.
Katba 3 lak tyngka ka Work order u la ai na ka bynta ban siang dewbilat ïa ka phyllaw jong ka Skul Grace Care Academy, kaban long ka jingkyrkhu bah ïa ka skul.
Kum ban shu kdew kane ka skul kala ai ka shibun ka jingshakri ïa kane ka dong namar ha man ki program jong kane ka block la ju pynlong beit ïa ki jingïalang ha kane ka phyllaw jong kane ka skul.
U Secretary jong ka shnong Mawlai Nongkwar u Bah E. Mond u la ïathuh ruh sha ka jingïalang ba ka Shnong Nongkwar tad haduh mynta, ka la ïoh na u Bah Teiborlang Pathaw ka la jan kot sha ka 1.50 klur tyngka.
