Mawkyrwat, Jymmang 30: Ka Meghalaya Commercial Truck Owner & Driver Association (MTODA), South West Khasi Hills District ha ka sngi Thohdieng ki la noh synñiang da ki tin sop ïing sha ki lai tylli ki longïing kiba la shah lied ki tnum iing ha ka ‘eriong kaba la jia ha ki 3 tylli ki shnong, kata, ha Sakwang, Mawphuli bad Kynsohsan, South West Khasi Hills District.
Ka kynhun ba la lamkhmat da u President Bah Robinsing Wahlang ka la sam ïa ki tin sop ïing sha ka longïing jong ka Kong Pismola Ramsiej ha Sakwang, ka ïing jong u Bah Reslandroy Thongni ha Mawphuli bad ka ïing jong ka Kong Hesfull Thongni ha Kynsohsan.
Ka MCTO&DA ka dei ka seng kaba ju kner bad noh synñiang sha ki lanot kiba ju ïa kynduh ïa kum kine ki apot ha ki longïing longsem ban pynïajan ïa ki paidbah bad ki trai kali, ki nongñiah trok.
